تمتاز الأمثال الشعبية بشكل عام بتكثيف عالي للخبرة المطلوب إيصالها وبكلمات بسيطة بليغة، وبجمل قصيرة لا تخلو من الإطناب أو الوزن، أو الموسيقى الداخلية، وبذلك هي سهلة الحفظ، وهي تعالج الشأن الدينامي للإنسان بشكل عام لذا فهي تعج بالمتناقضات وليست شيوع خاصية محددة في الشعب الذي أنتجها
ستجد فيها أمثال تمجد الشخصية السلبية والأنانية التي ولا شك هي نتاج تاريخ طويل من القهر والإزلال تعرضت له من قبل الحاكم والمحتل الاجنبي وسياسات النهب المنظم لخيرات البلاد
قالوا لجحا: النيك داير في بيتك، قال: مدام بعيد عن طيزي خلاص
إن رحت بلد بتعبد العجل، حش وأرمي له
أرقص للقرد في دولته
من خاف سلم
اربط الحمار مطرح ما يريد صاحبه
أردب ما هو لك ما تحضر كيله
اللي يتجوز أمي أقوله يا عمي
خراب يا مصر عمار يا دماغي
شيلني وأشيللك
اشهد لي بكحكة أشهد لك برغيف
طاطي لها لما تفوت
إن جالك الطوفان حط ولادك تحت رجليك
إن كان ليك حاجة عند الكلب، قوله يا سيدي
اللي مش محتاج وشه النهاردة بكرة تحتاج لقفاه
أبعد عن الشر وغني له
ما ينوب المخلص إلا تقطيع دومة
يا داخل بين البصلة وقشرتها ماينوبك إلا صنتها
إن فاتك الميري أتمرغ في ترابة
خالتي وخالتك واتفرقت الخالات
أحبك أحبك، لكن اكتر من روحي لا
أبو بلاش كتر منه
ياللي رايح كتر من الفضايح
اللي يعرف ابويا يروح يقول له
البلد اللي ما يعرفك حد فيها امشي وعري طيزك
علشان الورد يتسقي العليق
اللي تغلب به ألعب به
نجد فيهاالشخصيةالانهزامية والمنسحقة المتواكلة والتي تتفه الطموح
تروح فين يا صعلوك بين الملوك
العين متعلاش على الحاجب
الميه متطلعش في العالي
اللي يبص لفوق يتعب
اللي ملهوش كبير يشتري له كبير
اللي ليه ضهر ما ينضربش على بطنه
أجري جري الوحوش غير رزقك لم تحوش
اللي أنكتب على الجبين لازم تشوفه العين
بعد ما طارت ساعدها بقولة هش
بعد ما شاب ودوه الكتاب
من فات قديمة تاه
اصرف ما في الجيب ربك يرزقها من الغيب
يا مستعجل يعطلك الله
الدنيا اتخلقت في سبع تيام
عريان بيجري ورا مقشط
ربنا ما سوانا إلا بالموت
المصري حلنجي وفهلوي وياكلها ولعة
وهي مزيج من سمة التحايل وسمة التكيف الذي تمتع بها المصري كرد فعل لسنوات للكبت والتهميش، ونجد في الامثال الشعبية ما يشير لذلك
ميقعش إلا واقف
يعدي البحر ولا يتبل
يتمسكن لحد ما يتمكن
يفهمها وهي طايرة
لكن نجد أيضا العديد منها يعكس شخصية متوازنة عملية تمجد على العمل والسلوك الإيجابي
أسعى يا عبد وأنا أسعى معاك
إن مال عليك الزمان ميل على دراعك
امشي عدل يحتار عدوك فيك
يصلي الفرض وينقب الأرض
من اخد الأجرة حاسبة ربنا على العمل
اللي يتكسف من بنت عمه ميجبش منها عيال
هلا هلا على الجد والجد ههلا هلا عليه
الخسارة القريبة ولا المكسب البعيد
اللي يحسب الحسابات في الهنا يبات
جحا أولى بلحم طوره
إدي العيش لخبازة ولو أكل ثلاث أربع
اللي يحتاجه البيت يحرم على الجامع
القرش الأبيض ينفع في اليوم الأاسود
على قد لحافك مد رجليك
اللي يريدك ريده ومن خيرك زيده
اللي باعك بيعه
تجد ايضاً الشخصية الجدعة التي تمجد التعاون والعشرة
العشرة متهونش إلا على ولاد الحرام
جنة من غير ناس تنداس
لولا جارتي كانت انفقعت مرارتي
من قدم السبت لقى الحد قدامه
أيد على إيد تساعد
الإيد لوحدها متسقفش
القفة أم ودنين يشيلوها اتنين
ربك وجارك داري بحالك
الجار للجار
الجيران لبعضيها
الجار قبل الدار
يا بخت من وفق راسين في الحلال
اعمل الخير وارميه البحر
ما محبة إلا بعد عداوة
بصلة المحب خروف
لقمة هنية تكفي مية
جحر ديب يساع ميت حبيب
نجدها أيضاً تعكس شخصية خصبة على وعي عالي بالصراع الطبقي
إن طلع من الخشب ماشة يطلع من الفلاح باشا
قال: شحتوني دا أنا أبن اخت ربنا قالوا: هو خالك مخبركش عن حالنا
قالوا جميز بولاق احلى من تفاح الزمالك، قالك لا دا جبر خاطر للفقرا
يفتي على الابرة ويبلع الدرة
لو كانت الاسامي بفلوس كان الفقير سمى ابنه خراء
خدوا من فقرهم وحطوا على غناهم
شخصية قلقة تحيل نكباتها على قلة البخت وحسد الأخرين
ماجاش إلا على طيز القرد ويشمها
إيه اللي رماك على المر قال اللي أمر منه
كنت فين يا " لأ" لما قلت أنا: أه
عشمتني بالحلق خرمت انا وداني
جت الحزينة تفرح ملقتلهاش مطرح
الكحكة في إيد اليتيم عجبة
حسدوا الغجر على ضل السجر
قليل البخت يلاقي العضم في الكرشة
باب الحزين معلم بطين
من يوم ما ولدوني في الهم حطوني
الفقي لما يسعد تجيله ليلتين في ليلة
المتعوس متعوس حتى لو علقوا في رقبته فانوس
شخصية سمحة ومتفائلة وشيالة حمول
تبات نار تصبح رماد
اللي تخاف منه ميجيش أحسن منه
البحر ما يعكرش ترعة
ياما دقت على الراس طبول
يا قلبي يا كتاكت يا ما أنت شايل وساكت
إيه اللي رماك على المر، إللي أمر منه
الصبر طيب
اصبر تنول
شخصية مؤمنة بالقضاء والقدر فاضلة ملتزمة بالعرف
حب بجنون من غير مأذون يفتح الله
احترم أبوك ولو كان صعلوك
إديني عمر وارميني في البحر
الله جاب، الله خد، الله عليه العوض
ابن آدم ما يملاش عينه إلا التراب
خدوهم فقرا يغنيكم ربنا
ولقد زادت العقلية الحديثة على المثل الأخير روح التهكم فأصبح: خدوهم فقرا تشحتوا سوا
شخصية واعية بدور السلطة وناقد لها
يا فرعون، إيش فرعنك؟ قال: ملقيتش حد يقف يصدني
حاميها حراميها
سلموا القط مفتاح الكرار
قالوا للحرامي أحلف، قال جالك الفرج
يبني قصر ويهدم مصر
أنا جمل صلب بس علتي الجمال
أخر خدمة الغز علقة
نوم الظالم عبادة
الشخصية المصرية متواضعة وناقدة لقلة الاصل والتفاخر الكاذب
القرعة تتباهى بشعر بنت أختها
بعد نومه مع الجديان بقى له مطل على الجيران
بعد ما كبر وإدور نسي حاله الأول
عريان الطيز ويتأمز تأميز ويقول باب الخمارة فين
البغل العجوز ما يخفش من الجلاجل
خلصت حاجتي من عند جارتي
زي القرع، يمد لبرة
زي الصوف، تكرمة يعت
